दाङमा घरको छतबाट खसेर एक जनाको मृत्यु

दाङ : दाङमा घरको छतबाट खसेर एक जनाको मृत्यु भएको छ ।  मृत्यु हुनेमा राजपुर गाउँपालिका–४ दुलैया निवासी ४२ वर्षीय राजु भण्डारी रहेको इलाका प्रहरी कार्यालय गढवाले जानकारी दिएको छ ।

रुखमा फलेको अम्बा टिप्ने क्रममा घरको छतबाट खसेर गम्भीर घाइते हुनुभएका  भण्डारीको लमही अस्पतालमा उपचारका क्रममा मृत्यु भएको इलाका प्रहरी कार्यालय गढवाका प्रमुख एवम् प्रहरी निरीक्षक डबलबहादुर बमले जानकारी दिए । प्रहरीका अनुसार मृतकको शव लमही अस्पतालमा राखिएको छ ।