पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
नेपालगञ्ज डेस्क : बर्दियाको गुलरिया नगरपालिका ८ बाट अफिम कारोबारमा संलग्न ३ जना १ किलो ९२६ ग्राम अफिमसहित पक्राउ परेका छन ।
पक्राउ पर्नेहरूमा जाजरकोट बारेकोट गाउँपालिका–४ का ४६ वर्षीय यनबहादुर रावत, सोही स्थानका ४२ वर्षीय लोकेन्द्रबहादुर रोकाय तथा रोल्पा गंगादेवी गाउँपालिका–६ का ४८ वर्षीय केश सिंह केसी रहेका छन् ।
जिल्ला प्रहरी कार्यालय बर्दियाबाट खटिएको प्रहरी टोलीले खानतलासी गर्दा उक्त परिमाणको अफिम सहित उनीहरूलाई नियन्त्रणमा लिएको हो ।
उनीहरूको साथबाट भे ९ प ६२९६ नम्बरको मोटरसाइकल समेत बरामद गरिएको छ । पक्राउ परेका व्यक्तिहरूमाथि थप अनुसन्धान भइरहेको प्रहरीले जनाएको छ । यसैबीच कोहलपुर नगरपालिका–११ थारू गाउँबाट प्रहरीले ब्राउन सुगरसहित दुई जनालाई पक्राउ गरेको छ ।
इलाका प्रहरी कार्यालय कोहलपुरबाट खटिएको प्रहरी टोलीले राप्ती सोनारी गाउँपालिका–९ निवासी २० वर्षीय निरज थारूसहित दुई जनालाई ५० मिलिग्राम ब्राउन सुगरसहित पक्राउ गरेको हो ।
प्रहरीका अनुसार पक्राउ परेकामाथि थप अनुसन्धान गर्ने क्रममा उक्त लागूऔषध कोहलपुर नगरपालिका–११ पिपल चौतारा निवासी १८ वर्षीय एक किशोरले उपलब्ध गराएको खुल्न आएको थियो । त्यसपछि प्रहरीले ती किशोरलाई पनि पक्राउ गरेको छ ।
उनको साथबाट ७ सय ७० मिलिग्राम ब्राउन सुगर बरामद गरिएको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।
