पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
नेपालगञ्ज : नेपालगञ्जमा भेट्रान फुटसल प्रतियोगिता हुने भएको छ । एफसी संघारीको आयोजनामा ५० हजार पुरस्कार राशीको भेट्रान फुटसल प्रतियोगिता हुन थालेको हो ।
आदर्शनगरमा रहेको बागेश्वरी फुटसल मैदानमा बैशाख १५ र १६ गते प्रतियोगिता आयोजना गरिने क्लबका अध्यक्ष विक्रम पाण्डेले जानकारी दिए ।
प्रतियोगितामा बाँके, बर्दिया र दाङका १८ वटा क्लबले भाग लिएका छन् । ३५ वर्षमाथिका खेलाडीलाई समेटिएको यो भेट्रान प्रतियोगिताको विजेतालाई ५० हजार, मेडल, ट्रफी र प्रमाणपत्र तथा उपविजेतालाई २५ हजार, मेडल, ट्रफी र प्रमाणपत्र दिइनेछ ।
प्रतियोगिताका लागि आवश्यक तयारी पूरा भइसकेको अध्यक्ष पाण्डेले बताए । पछिल्ला वर्षहरुमा बाँकेमा फुटसल क्रेज बढ्दै गएको छ । नेपालगञ्जमा ३ र कोहलपुरमा २ वटा फुटसल मैदान रहेको छ । विगतमा फुटबल खेलेकाहरू भेट्रान प्रतियोगितामा उत्साहित देखिएका छन् ।
