बैंकिङ कसूर मुद्दामा बाँकेमा फरार एक जना पक्राउ

नेपालगञ्ज : बैंकिङ कसूर मुद्दामा फरार रहेका बाँकेको डुडुवा गाउँपालिका–३ का नन्दराम तिवारीलाई प्रहरीले पक्राउ गरेको छ । 

बाँके जिल्ला अदालतबाट २०८१ साल माघ २० गतेको फैसलामा ६ लाख ५० हजार रुपैयाँ जरिवाना र १ महिना कैद सजाय पाएका तिवारी लामो समयदेखि फरार रहँदै आएको जिल्ला प्रहरी कार्यालय बाँकेले जानकारी दिएको छ ।

फरार रहेका तिवारीलाई नेपालगञ्ज उपमहानगरपालिका–६ फुल्टेक्रा क्षेत्रबाट जिल्ला प्रहरी कार्यालयबाट खटिएको टोलीले पक्राउ गरेको हो । पक्राउ परेका तिवारीलाई आवश्यक कारबाहीका लागि बाँके जिल्ला अदालतमा बुझाइएको जिल्ला प्रहरी कार्यालय बाँकेले जनाएको छ ।