पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
गुल्मी : गुल्मीमा हावाबाट विद्युत् निकाल्ने गरी तयारी गरिएको छ । जिल्लाको रेसुङ्गा नगरपालिका–७, अर्जुनडाँडाबाट विद्युत् निकाल्ने गरी तयारी गरिएको वडाध्यक्ष रामजी पन्थीले जानकारी दिए । पन्थीको अगुवाइमा वडास्थित सर्वपक्षीय बैठकले एक सय किलोवाट क्षमताको हावा ऊर्जा परियोजना स्थापना गर्ने तयारी शुरु गरिएको छ ।
पन्थीले वडाको समग्र विकासका लागि दीर्घकालीन ऊर्जा योजना प्रस्तुत गर्दै अर्जुनडाँडालाई मुख्य पर्यटकीय गन्तव्य मात्र नभई, हावा ऊर्जा उत्पादनको उपयुक्त केन्द्रका रूपमा चिनाउन दुई वर्षअघि वैकल्पिक ऊर्जा प्रवर्धन केन्द्रमा सिफारिस गरिसकेको र हाल मन्त्रालयले अध्ययनको प्रक्रिया अघि बढाएको बताए ।
उनले अर्जुनडाँडाबाट एक सय किलोवाट क्षमताको हावा विद्युत् उत्पादन गर्ने योजना रहेको र अर्जुनबाट उनायचौर सबस्टेसनको दुरी करिब आठ सय मिटर मात्र भएकाले उत्पादन भएको विद्युत् राष्ट्रिय प्रसारण लाइनमा बिक्री गर्न सकिने बताए । यसबाट वार्षिक करिब ३० लाख रुपैयँसम्मको आम्दानी हुन सक्ने अनुमान गरिएको छ ।
