उद्यमशीलता प्रवद्र्धन गर्न सार्वजनिक–निजी साझेदारी कार्यशाला

नेपालगञ्ज : बाँके युनेस्को क्लबले बर्दियाको ठाकुरबाबा नगरपालिकामा युवा उद्यमशीलता प्रवद्र्धनकालागि सार्वजनिक–निजी साझेदारी विषयक सरोकारवाला कार्यशाला सम्पन्न गरेको छ ।

क्लबले प्लान इन्टरनेशनल नेपाल सँगको साझेदारीमा सञ्चालन गरिरहेको ग्रिन एकोनोमि तथा रुपान्तरण र नवपर्वर्तनकालागि युवा शसक्तिकरण परियोजना अन्तर्गत सो कार्यशाला आयोजना गरेको हो । 

उक्त कार्यशालाको मुख्य उद्देश्य युवा महिलामुखी आर्थिक गतिविधिहरूलाई सशक्त बनाउँदै उनीहरूको आय वृद्धि गर्नु, सार्वजनिक तथा निजी क्षेत्रबीच सहकार्य मजबुत बनाउनु, स्थानीय तह, निजी क्षेत्र र सहकारीबीच समन्वय अभिवृद्धि गर्नु, व्यवसायिक वातावरणका चुनौती र समाधान पहिचान गर्नु तथा हरित अर्थतन्त्रका सिद्धान्तलाई स्थानीय नीति तथा कार्यक्रममा समावेश गर्नु रहेको क्लबले जनाएको छ । 

कार्यक्रम वडा नम्बर ७ का वडाध्यक्ष तथा आर्थिक विकास समितिका संयोजक कलम विष्टको अध्यक्षतामा सम्पन्न भएको थियो । कार्यक्रममा नगर प्रमुख तिलक लम्साल, उपप्रमुख बिना भट्टराई, प्रमुख प्रशासकीय अधिकृत रामहरि रिजालसहित नौ वटै वडाका वडा अध्यक्ष, पशु शाखा प्रमुख चन्द्रबहादुर महतरा, कृषि शाखा प्रमुख ध्रुवराज रेग्मी, आर्थिक विकास शाखा प्रमुख ओमबहादुर राणा, योजना शाखा प्रमुख अनन्तराज रेग्मी लगायत विभिन्न शाखाका प्रमुख तथा अन्य सरोकारवालाको उपस्थिति रहेको थियो ।

निजी क्षेत्रबाट उद्योग वाणिज्य संघका अध्यक्ष गणेश कुँवर, होटल व्यवसायी संगठनका अध्यक्ष मोहनलाल चौधरी, किसान बंगुर फार्मका किसिमलाल थारु, रोशनी कृषि तथा पशुपञ्ची फार्मकी मीना चौधरी, हिमालय कृषि सहकारी लिमिटेडका अध्यक्ष लहानु थारु र ठाकुरबाबा सामाजिक महिला उद्यमी सहकारी लिमिटेडकी प्रबन्धक संगिता खनालको उपस्थिति रहेको थियो । 

कार्यक्रममा बाँके युनेस्को क्लबका तर्फबाट कार्यसमिति सदस्य सपना परियार, सल्लाहकार विनय दिल लामा, परियोजना संयोजक राजकुमार खड्का, परियोजना अधिकृत राधे कृष्ण थारु तथा फिल्ड अधिकृतहरू सृजना थारु र कञ्चन दहितको समेत सहभागिता रहेको थियो ।

कार्यक्रमका क्रममा क्लबका सल्लाहकार लामाले व्यवसायिक वातावरणका विद्यमान चुनौती, सम्भावित समाधान तथा सरोकारवालाको भूमिका र जिम्मेवारीबारे प्रस्तुति दिए । साथै परियोजना संयोजक र परियोजना अधिकृतले परियोजनाको प्रगति विवरण प्रस्तुत गर्नुका साथै सहभागीहरूबाट प्राप्त सुझावहरू संकलन गरेका थिए ।

कार्यशालाको समापन गर्दै वडा अध्यक्ष विष्टले सहभागी सबैलाई सक्रिय सहभागिताका लागि धन्यवाद दिँदै यस्ता कार्यक्रमले स्थानीय स्तरमा दिगो आर्थिक विकास र युवा उद्यमशीलता प्रवद्र्धनमा महत्वपूर्ण योगदान पुर्याउने विश्वास व्यक्त गरे ।