पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
कोहलपुर (बाँके) : जिल्ला बाँकेको कोहलपुर नगरपालिका–१३ स्थित आर्मी चेक प्वाइन्टदेखि करिब ३ किलोमिटर पूर्व रानी सामुदायिक वन क्षेत्रअन्तर्गत पूर्व–पश्चिम राजमार्ग छेउको नालामाथि एक पुरुष मृत अवस्थामा फेला परेका छन् ।
आइतबार बिहान स्थानीयले शव देखेपछि प्रहरीलाई खबर गरेका थिए । घटनास्थल पुगेको प्रहरीले अन्दाजी ४० देखि ४२ वर्ष उमेरका देखिने पुरुष मृत अवस्थामा फेला परेको जनाएको छ ।
प्रहरीका अनुसार मृतकको हालसम्म नाम, थर तथा ठेगाना खुल्न सकेको छैन । मृतकले माथिल्लो शरीरमा पहेँलो रङको कालो धर्का भएको टिसर्ट तथा तल्लो शरीरमा निलो जिन्स पाइन्ट लगाएका छन् । साथै उनको हल्का दाह्री–जुँगा रहेको बताइएको छ ।
हालसम्म मृतकका आफन्त सम्पर्कमा नआएकाले शवको पहिचान गर्न सक्ने व्यक्तिलाई इलाका प्रहरी कार्यालय कोहलपुर बाँकेमा सम्पर्क गर्न प्रहरीले अनुरोध गरेको छ । घटनाबारे थप अनुसन्धान भइरहेको प्रहरीले जनाएको छ ।
