चार हजारले घट्यो सुनको मूल्य

नेपालगञ्ज : बिहीबार नेपाली बजारमा सुनको मूल्य प्रतितोला चार हजारले घटेको छ । नेपाल सुनचाँदी व्यवसायी महासङ्घले बिहीबारका लागि सुनको मूल्य प्रतितोला एक लाख ६४ हजार पाँच सय रुपैयाँ निर्धारण गरेको छ ।

बुधबार प्रतितोला एक लाख ६८ हजार पाँच सय रुपियाँमा कारोबार भएको थियो ।

यसै गरी, आज चाँदीको मूल्य पनि तोलामा ५५ रुपैयाँले घटेको छ । बुधबार प्रतितोला २०१५ रुपैयाँमा कारोबार भएको चाँदी आज १९६० रुपैयाँ कायम गरिएको छ ।

अन्तर्राष्ट्रिय बजारमा सुनचाँदी मूल्यमा आएको उच्च गिरावटले नेपालमा प्रभाव देखिएको हो । अन्तर्राष्ट्रिय बजारअनुसार नेपालमा दैनिक सुनचाँदीको मूल्य समायोजन हुँदै आएको छ ।