पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
बर्दिया : साताअघि बर्दिया राष्ट्रिय निकुञ्जमा फैलिएको डढेलो बुधबार रातिसम्म पनि नियन्त्रणमा आउन सकेको छैन ।
डढेलो नियन्त्रण गर्न निकुञ्ज सुरक्षाका लागि तैनाथ नेपाली सेना, कर्मचारी, स्थानीय र ठाकुरबाबा नगरपालिकाको दमकल परिचालन गरिएको छ ।
निकुञ्जका सूचना अधिकारी सरोजमणी पौडेलका अनुसार विकट चुरे क्षेत्रमा यातायातको सुविधा नहुँदा डढेलो नियन्त्रण गर्न कठिनाइ भइरहेको छ ।
निकुञ्जभित्र मह काढ्न जाने, घाँस–दाउरा गर्ने र चोरी सिकारी गर्नेले आगो लगाएको आशंका निकुञ्जका कर्मचारीले गरेका छन् । डढेलो उत्तरको चुरे पहाडबाट सुरु भई दक्षिणी क्षेत्रमा फैलिएको छ ।
डढेलोको धूवाँले बस्ती र महेन्द्र राजमार्ग छोपेको छ । धूवाँका कारण मानिसलाई आउजाउ गर्न समस्या परेको भुरीगाउँका व्यवसायी जीवन शाहीले बताए । डढेलोले वन्यजन्तु पनि प्रभावित भइरहेको निकुञ्जले जानकारी दिएको छ ।
