गाजामा नरसंहार गरिरहेको इजरायलको आर्थिक वृद्धिदर घट्दै

काठमाण्डौ : इजरायलको केन्द्रीय तथ्यांक ब्यूरोले सार्वजनिक गरेको तथ्यांक अनुसार, देशको कुल गार्हस्थ उत्पादन (जीडीपी) सन् २०२५ को दोस्रो त्रैमासिकमा वार्षिक दरमा ३.५ प्रतिशतले घटेको छ।

व्यवसाय क्षेत्र सबैभन्दा प्रभावित भएको देखिएको छ, जसले दोस्रो त्रैमासिकमा ६.२ प्रतिशतले गिरावट भोग्यो। पहिलो त्रैमासिकमा यो क्षेत्रमा ४.४ प्रतिशतको वृद्धि भएको थियो।

निजी उपभोग खर्च लगातार दोस्रो त्रैमासिकमा पनि ४.१ प्रतिशतले घटेको छ भने भवन र उपकरणजस्ता स्थायी सम्पत्तिमा गरिएको लगानीमा १२.३ प्रतिशतको तीव्र गिरावट आएको छ।

ब्युरोका अनुसार, जुन महिनामा इजरायल र इरानबीच भएको १२ दिन लामो युद्धले देशको आर्थिक गतिविधिमा गम्भीर अवरोध पु¥याएको थियो।

यसअघि पहिलो त्रैमासिकमा इजरायलको जीडीपी वार्षिक ३.४ प्रतिशतले वृद्धि भएको थियो। तर जुलाईमा इजरायली केन्द्रीय बैंकले २०२५ का लागि आफ्नो जीडीपी वृद्धि पूर्वानुमान ३.५ प्रतिशतबाट घटाएर ३.३ प्रतिशतमा ल्याएको थियो।

त्यस्तै गत वर्षको मार्च महिनादेखि इजरायलले गाजामाथि आक्रमण गरिरहेको छ। गाजामा युद्दका  कारण हालसम्म ६१ हजार ८ सयभन्दा बढी मानिसको मृत्यु भएको छ भने एक लाख ५५ हजारभन्दा बढी घाइते भएका छन्।

इजरायलले गाजामाथि निरन्तर नरसंहार गरिरहेको भन्दै अन्तराष्ट्रिय स्तरमा चर्को आलोचना भइरहेको छ।