पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
बर्दिया : बाँकेका तीनजना ब्राउन सुगरसहित बर्दियाको गुलरिया नगरपालिका र बढैयाताल गाउँपालिकाबाट समातिएका छन् ।
प्रहरी चौकी कालिकाबाट खटिएको प्रहरीले कोहलपुर नगरपालिका–३ का ३८ वर्षिय किस कुमार थारुबाट १४ ग्राम ४ सय ७० मिलिग्राम लागुऔषध खैरो ब्राउन सुगर बरामद गरेको बर्दिया प्रहरीका निमित्त सूचना अधिकारी प्रहरी निरीक्षक टेकबहादुर देउवाले बताए ।
गुलरिया नपा–११ महम्मदपुरस्थित प्रहरी चौकीबाट खटिएको टोलीले पनि बाँके राप्ती सोनारी–१ खोकरीका २७ वर्षिय सुनिल भण्डारीलाई २ सय ५० मिलीग्राम लागुऔषध खैरो ब्राउन सुगरसहित समातेको छ । यस्तै बाँके खजुराका २८ वर्षिय तीर्थराम कादु पनि १ ग्राम ५० मिलिग्राम ब्राउन सुगरसहित पक्राउ परेको देउवाले जनाए ।
तीनै जनालाई नियंत्रणमा लिई अनुसन्धान भइरहेको प्रहरीले जनाएको छ । लागुऔषध भारतीय सीमा लौकाही र बलैगाउँबाट भित्र्याएको प्रहरीको भनाइ छ ।
