पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
नेपालगञ्ज : बज्म–ए–उर्दु नेपालको आयोजनामा नेपालगञ्जमा ‘शहर–ए–सुखन’ को नामबाट भव्य मुसायरा (कवि सम्मेलन) सम्पन्न भएको छ । उर्दु फाउन्डेसन नेपालका अध्यक्ष कपिलवस्तु निवासी चर्चित उर्दुका वरिष्ठ सायर सहर महमुदको सम्मानमा कार्यक्रम आयोजना गरिएको बज्म–ए–उर्दु नेपालका अध्यक्ष सर्वर नेपालीले बताए ।
उनका अनुसार इस्लामी विद्वान् सिराज अहमदको प्रमुख आतिथ्यमा सम्पन्न भएको सो मुसायरामा कवि तथा सायरले विभिन्न भाषामा आआफ्ना रचना वाचन गरेका थिए ।
कार्यक्रममा युवा कवि डा. नूर मोहम्मद अन्सारी, उर्दु भाषाविद् डा. जैनुल आबेदिन, वरिष्ठ साहित्यकार प्राध्यापक डा. हरि तिमिल्सिना, भेरी साहित्य समाजका केन्द्रीय अध्यक्ष इन्द्रबहादुर बस्नेत, समाजका केन्द्रीय सदस्य चन्दावती अधिकारी, लुम्बिनी वाङ्मय प्रतिष्ठानका अध्यक्ष भरतबहादुर रानाभाट र बज्म–ए–उर्दु नेपालका उपाध्यक्ष सैयद जहाँगिर सलाहुद्दीनले आआफ्ना गजल, कविता सुनाए ।
कार्यक्रममा प्रमुख अतिथि सायर सहर महमुद, अब्दुल लतिफ सौक र सैयद नेपालीले उर्दुका गजल सुनाएर श्रोतालाई मन्त्रमुग्ध पारे ।
