एनपीएलमा आज विश्राम, भोलिदेखि क्वालिफायर

काठमाण्डौ : जारी दोस्रो संस्करणको नेपाल प्रिमियर लिग (एनपीएल) मा सोमबार विश्रामको दिन। लिग चरणका खेल सकिएपछि मैदान व्यवस्थापनका लागि  विश्राम राखिएको हो । प्रतियोगिता अन्तर्गत मंगलबार पहिलो क्वालिफायर खेल हुनेछ ।

त्रिवि अन्तरराष्ट्रिय क्रिकेट रङ्गशाला कीर्तिपुरमा अपरान्ह ४ बजे  हुने खेलमा सुदूरपश्चिम रोयल्स र विराटनगर किङस प्रतिस्पर्धा गर्नेछन् ।  सुदूरपश्चिम अङ्क तालिकाको शीर्ष र विराटनगर दोस्रो स्थानमा पुगेर पहिलो क्वालिफायर खेल्ने पक्का गरेका हुन्। 

सुदूरपश्चिम लिग चरणका सात खेलमध्ये छ र विराटनगरले भने सातमध्ये पाँच खेल जितेको थियो। सुदूरपश्चिमले विराटनगरसँग मात्रै लिग चरणमा पराजय भोग्नुपरेको थियो । विराटनगर भने चितवन र लुम्बिनीसँग पराजित भएको हो।