पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
बर्दिया : बर्दियामा रहेको कृष्णसार संरक्षण क्षेत्रबाट चितुवा नियन्त्रणमा लिइएको छ । गुलरिया नगरपालिका वडा २ कृष्णसार संरक्षण क्षेत्रभित्र रहेको वस्ती नजिकबाट चितुवा नियन्त्रणमा लिइएको हो ।
कृष्णसार, गौशाला र स्थानीय वस्तीमा चितुवाले आतङ्क मच्चाएपछि कृष्णसार संरक्षण क्षेत्र कार्यालयले चितुवा नियन्त्रणमा लिनका लागि पासो थापेको थियो । पाँच दिन अगाडि थापेको पासोमा चितुवा परेको हो । पासोमा वयस्क पोथी चितुवा परेको थियो ।
चितुवालाई पासोबाट निकालेर सुरक्षित स्थानमा पठाउने तयारी भइरहेको कृष्णसार संरक्षण क्षेत्रका सूचना अधिकारी रामु केसीले बताए । केही दिनअघि स्थानीयवासीको भैंसीलाई लागि आक्रमण गरेको र मानिसलाई आक्रमणको प्रयास गरेपछि पासो राखेको उनले बताए ।
चालु आर्थिक वर्षमा कृष्णसार संरक्षण क्षेत्रमा २१ वटा कृष्णसार मरेका छन् । जसमध्ये १० वटा कृष्णसार चितुवाको आक्रमणबाट मरेको सूचना अधिकारी केसीले बताए ।
